剛剛睇完個朋友仔既blog,知道佢最近學人做浪子,咩個背囊去咗雲南同神山...相信佢既旅程一定係佢一生人入面最難忘既經歷..

以前同佢做事既時候已經都覺得佢好有浪子feel....當你好正經咁問佢問題既時候,佢總會用啲好浪子既答案去答你....

都好羡慕佢可以去哪啲地方,環境好靚,好特別(睇到佢既傑作)....或者個行程會辛苦啲,但相信有回味既價值...唔知係我有生之年,會唔會好似佢咁扮下浪子去啲咁既地方呢?相信都幾微,因為我係一個女子...就算要扮,都係女中豪傑.....

好期待佢既神山之旅...

由上星期日開始放假,到下星期一先要返工...好似好多日咁...但係今日已經係星期四....無剩幾多日,但我就無無聊聊咁渡過咗五日....都唔知點解放假既時間係特別快過啲...只係行咗一日街...係屋企收拾一下自己嗰房間,仲只係用咗半日時間,但未叫收拾得好好...同個friend食左個lunch...咁就虛渡咗五日時間....都唔知放咁長假做咩.....仲要比我同事話我浪費晒啲假....本身諗住"煲"碟(劉德華套"神鵰俠女")....點知一隻都未"煲"過....你話我係唔係無聊丫....

我諗我最實際做咗既嘢就係"刨"漫畫....都好耐無試過咁勤力去"刨"漫畫喇!記得讀中學時期睇"電影少女"之後都無咁誇張同咁勤力喇....連我自己都估唔到...但當我睇咗第一本之後,就好似控制唔到咁要即刻睇第二本...我講緊係"死亡筆記"....諗諗下今次放假做啲嘢都好無聊...好似"流克"咁...無端端丟本"死亡筆記"到人類世界........因為兩個字"無聊"

差不多有兩月無update個blog喇!.....其一係忙(其實係懶,揾藉口...哈),其二都唔知寫啲咩好,因為都無咩特別....不過最近睇左我個朋友仔既blog,覺得佢最近所寫既都好灰暗....而且係佢既blog入面睇到佢應該喺感情方面有啲問題....

識佢既時候,都知佢有個由讀書已經開始拍拖既女朋友....相信佢哋有十年既感情....唔知因為咩事攪到而家咁...係佢既blog入面,覺得佢睇到樣樣都好灰,好sad,好似整個世界都對佢唔好咁...而且佢亦用酒精麻醉自己,就算連去選擇旅行既地方都揾啲唔多開心既地點...例如:越南,柬埔寨....

其實一對情侣走在一起已經係一件好難得既事...而且重要係大家由細識到大...但最後都可能要分開...好可惜...不過可能係佢哋既角度睇,分開可能係好事...其實好多人都係咁啦...合則來,不合則離..點都好...希望我嗰朋友仔會用另一角度去諗哪件事....或者會開心啲..同埋都希望佢唔好再用一啲傷害自己身體既方法去另自己忘記此事....我相信佢身邊一定有好多好友同家人會支持佢...

p.s.一段時間無打中文...慢左好多..

有一間小型企業公司入面,有一個小職員,佢係其他人眼中佢好聰明,因為無一個人可以用正常既思想諗佢所做既事當中既原因,亦唔知佢下一步會點做,唔知佢係唔係太聰明,覺得無人能及得佢既才能,又或者佢想超越自己,睇下自己既極限去到邊,所以佢做左好多不合法既行為,但偏偏就剩番好多蛛絲馬跡比其他人去發現...例如:用一D不法途徑偷取公司一D資料而從中獲利,另外佢亦係一D文件中"畫蛇潻足"諗住其他人唔會知道佢做過手腳....

其實每一次佢既不法行為都會被人發現,而且次次都好新鮮,無人即時去揭發佢,大家唔係怕左佢,只係唔想搞到大家既關係好"薑",話駛大家都一齊共事....不過其他人為左等佢知道其實我地唔係"白痴",想佢知道大家都知道佢既所作所為,就做左一場大戲暗示比佢知...但係佢都係當大家係"白痴"...繼續做佢既不法行為...大家終於忍無可忍,揭發左佢既所作所為比大老闆知...但佢依然繼續...只係新鮮D.....等大家唔留意...

其實大家都知佢既為人,所以就算明知佢做左D不法行為既時候,只要唔算太過份,都隻眼開隻眼閉,但唔知點解佢每次都要有一D野洩露比大家知佢既惡行...真係好唔明佢諗緊咩...唔通佢真係當大家係"白痴",定係佢其實係一個"笨賊"....