今日係復活假期既最後一日,話咁快就放左四日假.但係對我黎講其實無咩特別,因為要返工....
而家就係公司到...仲要今晚8:30PM先放工...希望今日唔好咁忙喇!
今個假期無咩特別做過...只係去左人地屋企玩燒野食同埋尋日睇左套"至尊無賴" 套戲唔算好好睇,不過有一定既笑位...最好笑就係鄭中基同林子聰扮一對韓國女子唱歌...笑到我眼淚水都出晒....坐我隔離個女子仲笑到好大聲...
如果想睇套唔想諗野既戲都可以考慮一下...
好耐都無整理個我個blog啦...
足足有兩個多月了...都係自己懶....不過由過年之後,自己都唔知忙啲咩...
首先過年既時候去左個韓國之旅....好開心!!因為一直都好恨去一個落雪既地方..終於實現到喇!!!!可以滑雪之餘...仲可以見到落雪...又扮大長今..亦買唔少化妝品,不過好多都係幫同事同朋友買...最記得買化妝品既時候好豪買左差不多$250,000....係WON....哈哈..
放完假之後就開始我既掃貨行動....因為有好多舖頭己經進入最後減價...而我就進入最後衝刺...所以亦都好忙.....忙到連蛋糕都整少左.....
哈....忙完shopping之後,又忙番我既整餅...所以咪一直都無時間整理個blog......
連我自己都唔知下次幾時再update....
己經有好多,好多日無UPDATE 我個BLOG 喇! 因為SETUP個相簿令到我個BLOG 死左好多日...最初仲以為係我個SEVER 有問題...無法接上...因為經常顯示"無法顯示網頁"....直到有個同事話比我知佢都好幾日都去唔到我個BLOG....再睇埋BLOG ADMIN...先知可能我SETUP個相簿令到個BLOG死左....
好彩而家冇事....好似重生咁...重生之餘仲多左D野...
終於有相簿功能喇...
之前見到我個同事有呢個FUCTION 己經覺得好好,好羡慕...因為可以令到個BLOG 生動D...等我得閒少少再UPLOAD 多D相先...希望到時唔好再整死個BLOG.....HEHE......
今日係屋企睇番之前錄起左既 "隨時候命" 係其中一集,Carrie 同Matt 講分手,Matt同Carrie 講 "知道自己有缺點,可以去改",同埋話 "一個世界唔會有兩個相同既人,兩個人相處要包容同付出"....
包容..究竟有幾多人可以做到...要包容對方既缺點,不良嗜好,壞習慣甚至對方既過去(舊情人)...究竟對方既包容程度有大...可以接受他/她既多少呢?
付出...係一段感情入面,唔可能用天枰去量度大家付出左有幾多,去評論公唔公平,不過我相信大家都希望對方只少有一定既付出,先可以去維繫段感情,若果只有一方付出,付出既一方會唔會有疲倦既一日去放棄呢....會甘心嗎?
有一集..Matt知道Ben同Carrie 既事,Matt同Ben講 "唔好因為一段已經過去既感情,而放棄自己喜歡既人" 覺得係一件好荒謬既事...暗示比Ben知,唔好因為佢哋兩個以前既事而放棄自己喜歡既人...又係唔係人人可以做到,唔會介意大家同以前既舊情人既嘢...可能有啲人覺得唔係咩問題,但亦有人可能係佢既 "死穴"....嚴重到唔會同你去你以前同舊情人既旅行地點...免得觸景傷情...咁樣算唔算逃避去面對一啲嘢..永遠都解決唔到呢?
當每吞一啖口水既時候..簡直想死..好似想奪去我既性命咁...真係要唱番首陳奕迅既歌..唔記得歌名..不過有句歌詞好似係.."喉嚨痛得要死"
...決定休息一天先...待我好番之後先同我個朋友仔玩佢既怪癖遊戲..
