噚日終於去左迪土尼...由朝早10:00am 玩到夜晚8:30pm..足足玩左十個半鐘...好疲累...好疲累...

已經有2日無寫我既生活鎖事...今日係屋企到又做阿茂喇...點解..因為今日係屋企整左3款唔同口味既曲奇囉...哈..因為準備定聽日靜靜雞帶入去迪士尼到食...聽日會同公司兩個妹妹仔一齊去迪士尼...心情唔知點解有啲興奮同緊張...仲專登整左有"米奇" 樣既曲奇..哈..好無聊..講緊自己..就等我聽日去完之後再回報一下..而家欣賞下我既傑作先..

今日攞左啲提子栗米片曲奇返公司比啲同事食..叫佢哋估下我用啲咩材料整...大部同事都只係估到用提子同朱古力粒..估唔到有栗米片...有啲估係果仁,有啲估係合桃...到最後我俾啲tips 佢哋先估到...

不過我老細好勁...佢食第一啖就知有栗米片...老細果然係老細呀.. 跟住佢走之前仲走嚟同我講個曲奇好好味...嘻嘻..好開心... 其他同事都話好好味...唔..等我再研究下個香蕉曲奇問題所在先...再努力..加油!!!!!!

今日係屋企整左兩款曲奇...分别香蕉曲奇同提子栗米片曲奇....前者失敗左..唔知點解我覺得似香蕉蛋糕多過似曲奇... 後者就好好多...起碼似番件曲奇...不過我覺得可以再好啲....

今日收到同事一個e-mail..係有關一封分離書信..個內容好鬼抵死..大家不況細心所賞..

剛剛寫緊今日既網誌時,我個Admin同事左個透明膠袋比我睇, 我見到有一條好幼既白頭髮,佢話係佢咁大個女既第一條白頭髮,所以要好好保存留作紀念喎.....跟住佢又好傷心咁問我點解會有白頭髮,我就反問佢知唔知點解會有白頭髮,佢話因為諗得野多...咁我咪同佢講...你終於開始動腦諗野啦....哈哈.. 

今日係第一次話比D FRIENDS 知瀏覽我既網誌,點知比我個FRIEND話好寡,應該要加番D色彩,我話會try try,因為我噚日先set up...叫佢比D時間我..而家咁興玩網上日誌..我有2個friend 係hotmail 都整左個,咁佢地個網上日誌真係幾靚,見到可upload D 相自動播放,同埋背景都幾colourful,我都見其他網友係sinablog到整個標題都幾另類,應該係自己整,唔係跟原稿,我都好想呀..唔知係唔係我蠢..我到而家連D簡單野都未整好...真係要花D時間去磨下..如果有好心既網友睇到我哪個愚蠢既人,請指教一下丫....

而家係零時二十二分...應該要去瞓覺..不過今日第一次寫網誌,心情有啲興奮,所以掂都寫番啲嘢...

今日返工得四個同事...呀..應該係噚日(星期日),因為而家係零晨..三個男同事加我一個女仔...仲唔係三王一后...哈..唔好諗衰嘢..但係我哋好似唔駛做咁..叫駛外買,好似開大食會咁..已經叫左pizza hut,跟住有個男同事3點返工前仲買埋 "家香雞" 係一筒九件既套餐..仲要買埋啤酒,汽水...真係唔駛做,因為個個都掛住食..係唔駛1個鐘已經清駛..

太耐冇打中文,有啲慢...要努力練下先..