今日係屋企睇番之前錄起左既 "隨時候命" 係其中一集,Carrie 同Matt 講分手,Matt同Carrie 講 "知道自己有缺點,可以去改",同埋話 "一個世界唔會有兩個相同既人,兩個人相處要包容同付出"....

包容..究竟有幾多人可以做到...要包容對方既缺點,不良嗜好,壞習慣甚至對方既過去(舊情人)...究竟對方既包容程度有大...可以接受他/她既多少呢?

付出...係一段感情入面,唔可能用天枰去量度大家付出左有幾多,去評論公唔公平,不過我相信大家都希望對方只少有一定既付出,先可以去維繫段感情,若果只有一方付出,付出既一方會唔會有疲倦既一日去放棄呢....會甘心嗎?

有一集..Matt知道Ben同Carrie 既事,Matt同Ben講 "唔好因為一段已經過去既感情,而放棄自己喜歡既人" 覺得係一件好荒謬既事...暗示比Ben知,唔好因為佢哋兩個以前既事而放棄自己喜歡既人...又係唔係人人可以做到,唔會介意大家同以前既舊情人既嘢...可能有啲人覺得唔係咩問題,但亦有人可能係佢既 "死穴"....嚴重到唔會同你去你以前同舊情人既旅行地點...免得觸景傷情...咁樣算唔算逃避去面對一啲嘢..永遠都解決唔到呢?

己經有一段時間無UPDATE 我個BLOG喇..等我回顧一下我之前個幾日發生左D咩先...

今日好寒冷呀...己經有好幾日無上BLOG..因為足足病左一個禮拜,睇左3次醫生..而家仲食緊藥...今晚仲要放11:30PM..好冷呀...

好耐都未去過二德惠(買蛋糕材料既店舖)買野喇..因為過兩日有個同事生日,諗住係佢生日前整個蛋糕同佢慶祝..係店舖見到己經有好多聖誕裝飾FOR蛋糕用..自己都認唔住手買左兩個聖誕曲奇模,一個係天使,另一個係薑餅人..嘻..等我聖誕既時候整D得意曲奇先...

今日精神好左好多,不過個喉嚨好痛.. 當每吞一啖口水既時候..簡直想死..好似想奪去我既性命咁...真係要唱番首陳奕迅既歌..唔記得歌名..不過有句歌詞好似係.."喉嚨痛得要死"

今日有同事問我咩係怪癖遊戲..想知就睇下內文啦...

之前去迪土尼可能比我同事傳染左...今日打敗仗...決定休息一天先...待我好番之後先同我個朋友仔玩佢既怪癖遊戲..