五月就快到,即代表母親節就到....媽媽係大家心目中一定好偉大,因為十月懷胎生我地出黎.但亦都係大家心目中亦係好煩,因為時時係耳邊依依娥娥,不過佢都係出於關心...但係有時可能會忍受唔到既時侯就會同阿媽頂撞幾句....

今日一早就同阿媽頂撞幾句.....不過唔知點解今次另我既心情好不安...其實間唔中都有少少頂撞發生,但唔知點解今次有D咁既感覺....可能真係自己唔好啦....

我覺得如果一早就比阿媽依依娥娥,個日就好唔順暢....今日返工,D同事又唔合作...咩都話"唔知", "唔關佢事"...真係比佢氣死...

所以我依然深信晨早留留就比阿媽話,個日就一定唔如意...

今日係假期過後既日子...好多打工仔都要收拾心情,重新投入工作,對大家黎講可能會覺得帶著一個好沉重既心情返工,因為積左四日既工作,今日就要一一去解決,但對我黎講就無咩特別,因為我假期都要返工,只係今日唔同既係我除左帶住一個好唔原意既心情返工之外,仲要帶埋女人之苦返工..... 咪就係每個月仲有幾日既痛苦囉....

我唔係前痛,而係後痛(腰骨痛)仲要尺尺咁痛...已經坐定定,全日貼住個咕...都好辛苦,好辛苦,好辛苦呀.........

點解女人仲會係每個月受D咁既苦丫...真係唔公平...上帝做女人既時侯有無幫我地諗下有幾辛苦....唉...寫寫下有D肚痛..而家只係3:24PM...仲要捱多3個幾鐘先放工....救命呀.....

今日係復活假期既最後一日,話咁快就放左四日假.但係對我黎講其實無咩特別,因為要返工....而家就係公司到...仲要今晚8:30PM先放工...希望今日唔好咁忙喇!

今個假期無咩特別做過...只係去左人地屋企玩燒野食同埋尋日睇左套"至尊無賴" 套戲唔算好好睇,不過有一定既笑位...最好笑就係鄭中基同林子聰扮一對韓國女子唱歌...笑到我眼淚水都出晒....坐我隔離個女子仲笑到好大聲...如果想睇套唔想諗野既戲都可以考慮一下...