噚日同我"美少女"同事傾開佢同佢男朋友睇左個樓盤,佢地好有興趣,好想購買,但係佢地既現況階段就應該實行唔到,因為都有其他因素要考慮,而佢自己個諗法就一定唔可行,所以佢就向我地其他幾位同事詢問一下意見,我D同事當然好樂意,佢地提供既意見我都覺得可以參考一下,因為有幾位係這方面都有經驗...."美少女"同事聽完之後不段答"咁又係"....好似好明白咁....但最後都返回佢最初既諗法,即係解決唔到啦....

都唔知我個"美少女"同事係GET唔到大家既意思丫,定係佢好似個"牛皮燈籠"咁點極都唔明...

之前睇過"最愛女人購物狂"這套戲,覺得張柏芝係入面真係好瘋狂,自問都好喜歡行街買衫,有邊個女仔唔鐘意買野丫...只係多定少...

早兩日"西田"大減價...一向都知D人會好瘋狂,因為之前都試過,個瘋狂程度係插針都插唔入,所以我都唔蝕底,決定一早起身去掃貨,因為真係好平...第一日西田九點開門,所以決定九點去到...諗住唔係紅日,D人要返工,應該唔會太多人...點知我完全低估左......我同我同事一齊去,佢比我早少少去到,我ON GOING 途中,佢打比我話比我知佢排緊隊等入去...我話唔駛咁"激"呀...去到見到個超市好多人...仲要個個都一車二車,好似唔駛錢咁...我都唔差..掃左兩大袋,但就花左差不多個半鐘係個超市到...

同我同事掃完超市之後,再去其他COUNTER,見到好多人都好瘋狂咁掃貨....剩係排隊比錢都好長龍...D人真係好誇張..見到D師奶掃"枕頭"都四,五,六個咁...突然覺得自己都好似D師奶咁,左一袋,右一袋...

諗起當日就好似打完一場扙咁...買完之後,仲要抬番屋企,好彩我住得唔係好遠...西田安排左一D免費穿梭車去某幾個地方,好彩我都可以享受到,如果唔係...就.....

某些人係工作上係一個閒角,因為佢地只係行行企企,得閒就吹下水,老細又唔會比太多野佢做,就算比都只係一D唔會太難既工作,好簡單就完成,亦唔會"咩"鑊,因為少做少錯....佢地亦會係一D時候領功,因為幫公司跑到數(但係用D不擇手段),就算做錯野,老細都只係私底下話幾句同十分客氣,亦可以安然度過,人工高兼考績好...可以稱佢地為" 叻人"

某些人(可能只係好少數)係工作上處事盡責,事事做足,亦都會為公司跑下數,雖然無D閒角咁好數,因為根本無咁既時間,原因係老細一見到你返工就會比好多野你做,仲要唔係簡單個隻...真係要花時間去完成,但如果一唔小心係其他事情做錯左少少或者可能係個過程中有少少既錯誤,令到個事情結果有所損失,老細就會豪無保留咁去話你同埋會龔諸於世...但佢地既人工低,考績一般,其實都只係一隻"牛"...

正所為多做多錯,少做少錯,唔做就唔會錯....好深明白這個道理,但我永遠都做唔到,可能過唔到自己個關...

我唔係埋怨我老細話我,反而覺得比我有所警戒,下次多多留意,只係覺得自己都幾無用,就算幾努力,幾盡責都好,到最後因為好少既事,都可以足以致命...

怪就怪自己唔識學"精",太過盡責,唔識學懶同學"A"字膀,咁就可以錯少D呢?