剛剛睇完個朋友仔既blog,知道佢最近學人做浪子,咩個背囊去咗雲南同神山...相信佢既旅程一定係佢一生人入面最難忘既經歷..

以前同佢做事既時候已經都覺得佢好有浪子feel....當你好正經咁問佢問題既時候,佢總會用啲好浪子既答案去答你....

都好羡慕佢可以去哪啲地方,環境好靚,好特別(睇到佢既傑作)....或者個行程會辛苦啲,但相信有回味既價值...唔知係我有生之年,會唔會好似佢咁扮下浪子去啲咁既地方呢?相信都幾微,因為我係一個女子...就算要扮,都係女中豪傑.....

好期待佢既神山之旅...

由上星期日開始放假,到下星期一先要返工...好似好多日咁...但係今日已經係星期四....無剩幾多日,但我就無無聊聊咁渡過咗五日....都唔知點解放假既時間係特別快過啲...只係行咗一日街...係屋企收拾一下自己嗰房間,仲只係用咗半日時間,但未叫收拾得好好...同個friend食左個lunch...咁就虛渡咗五日時間....都唔知放咁長假做咩.....仲要比我同事話我浪費晒啲假....本身諗住"煲"碟(劉德華套"神鵰俠女")....點知一隻都未"煲"過....你話我係唔係無聊丫....

我諗我最實際做咗既嘢就係"刨"漫畫....都好耐無試過咁勤力去"刨"漫畫喇!記得讀中學時期睇"電影少女"之後都無咁誇張同咁勤力喇....連我自己都估唔到...但當我睇咗第一本之後,就好似控制唔到咁要即刻睇第二本...我講緊係"死亡筆記"....諗諗下今次放假做啲嘢都好無聊...好似"流克"咁...無端端丟本"死亡筆記"到人類世界........因為兩個字"無聊"