之前睇過"最愛女人購物狂"這套戲,覺得張柏芝係入面真係好瘋狂,自問都好喜歡行街買衫,有邊個女仔唔鐘意買野丫...只係多定少...

早兩日"西田"大減價...一向都知D人會好瘋狂,因為之前都試過,個瘋狂程度係插針都插唔入,所以我都唔蝕底,決定一早起身去掃貨,因為真係好平...第一日西田九點開門,所以決定九點去到...諗住唔係紅日,D人要返工,應該唔會太多人...點知我完全低估左......我同我同事一齊去,佢比我早少少去到,我ON GOING 途中,佢打比我話比我知佢排緊隊等入去...我話唔駛咁"激"呀...去到見到個超市好多人...仲要個個都一車二車,好似唔駛錢咁...我都唔差..掃左兩大袋,但就花左差不多個半鐘係個超市到...

同我同事掃完超市之後,再去其他COUNTER,見到好多人都好瘋狂咁掃貨....剩係排隊比錢都好長龍...D人真係好誇張..見到D師奶掃"枕頭"都四,五,六個咁...突然覺得自己都好似D師奶咁,左一袋,右一袋...

諗起當日就好似打完一場扙咁...買完之後,仲要抬番屋企,好彩我住得唔係好遠...西田安排左一D免費穿梭車去某幾個地方,好彩我都可以享受到,如果唔係...就.....