星期日係母親節,之前已經一早訂定枱同屋企人去迪士尼樂園酒店食lunch buffer,同阿媽慶祝母親節,所以一早就入大嶼山...

都好耐未試過一家人既活動,我訂左迪士尼樂園酒店食既buffer,有卡通人物公仔會係我哋食緊buffer既時候,到每一枱同啲人客影相...我諗我阿媽真係好開心,因為佢一見到啲公仔嚟到,就好雀躍咁拉住啲公仔影相,連我老豆都一齊高興,捉住"布老濤"不段摸佢個鼻,不知幾咁開心...同啲細佬仔無咩分别,所以啲人話照顧老人家同細佬仔一樣...佢哋真係童心未泯...

雖然埋單既時候有啲"肉尺",因為一行六人埋單都差不多要件$2000,不過無所謂啦....見佢哋兩位老人家咁開心...佢哋開心到講到今日.....我阿媽仲話要攞啲相比佢啲教友睇...我諗佢既開心程度要有一排先要減輕.....