由上星期日開始放假,到下星期一先要返工...好似好多日咁...但係今日已經係星期四....無剩幾多日,但我就無無聊聊咁渡過咗五日....都唔知點解放假既時間係特別快過啲...只係行咗一日街...係屋企收拾一下自己嗰房間,仲只係用咗半日時間,但未叫收拾得好好...同個friend食左個lunch...咁就虛渡咗五日時間....都唔知放咁長假做咩.....仲要比我同事話我浪費晒啲假....本身諗住"煲"碟(劉德華套"神鵰俠女")....點知一隻都未"煲"過....你話我係唔係無聊丫....

我諗我最實際做咗既嘢就係"刨"漫畫....都好耐無試過咁勤力去"刨"漫畫喇!記得讀中學時期睇"電影少女"之後都無咁誇張同咁勤力喇....連我自己都估唔到...但當我睇咗第一本之後,就好似控制唔到咁要即刻睇第二本...我講緊係"死亡筆記"....諗諗下今次放假做啲嘢都好無聊...好似"流克"咁...無端端丟本"死亡筆記"到人類世界........因為兩個字"無聊"